നോട്ട് 7 ഫോണ്‍ പ്രീബുക്ക് ചെയ്ത ഇന്ത്യക്കാര്‍ക്ക് ഇതാ ഒരു സന്തോഷവാര്‍ത്ത

0

ബാറ്ററി തകരാര്‍ മൂലം വിപണിയില്‍ നിന്ന് പിന്‍വലിച്ച ഗ്യാലക്‌സി നോട്ട് 7 ഫോണ്‍ പ്രീബുക്ക് ചെയ്തു കാത്തിരിക്കുന്ന ഇന്ത്യക്കാര്‍ക്ക് ഇതാ ഒരു സന്തോഷ വാര്‍ത്ത .ബുക്ക്‌ചെയ്തവര്‍ക്ക്  മറ്റു മോഡലുകള്‍ നല്‍കുമെന്ന് സാംസങ്ങ് വ്യക്തമാക്കി.സാംസങ്ങ് ഗ്യാലക്‌സി എസ് 7, എസ്7 എഡ്ജ് മോഡലുകളായിരിക്കും ഇവര്‍ക്ക് നല്‍കുക.

ഗ്യാലക്‌സി നോട്ട് 7 ഫോണിന് തകരാര്‍ കണ്ടെത്തിയതിനേത്തുടര്‍ന്ന് ഇത് പരിഹരിച്ച ശേഷം ഇന്ത്യന്‍ വിപണിയില്‍ വില്‍പന ആരംഭിക്കാനായിരുന്നു സാംസങ്ങിന്റെ പദ്ധതി. അതിനായുള്ള പ്രീബുക്കിംഗും ആരംഭിച്ചിരുന്നു. എന്നാല്‍ തകരാര്‍ പരിഹരിച്ചെത്തിയ ഫോണുകളും തീപിടിക്കാന്‍ തുടങ്ങിയതോടെയാണ് ഈ മോഡല്‍ പൂര്‍ണ്ണമായും പിന്‍വലിക്കാന്‍ സാംസങ്ങ് തയ്യാറായത്. ഉപഭോക്താക്കള്‍ക്ക് മറ്റു ചില സൗജന്യങ്ങളും ഇതിനൊപ്പം ലഭിക്കും. വിര്‍ച്വല്‍ റിയാലിറ്റി ഗിയര്‍, സാംസങ്ങ് ലെവല്‍ യുസ്റ്റീരിയോ ഹെഡ്‌സെറ്റ് എന്നിവയും 3300 രൂപയുടെ വിആര്‍ കണ്ടന്റ് വൗച്ചറും സൗജന്യമായി നല്‍കുമെന്നാണ് സാംസങ്ങ് അറിയിക്കുന്നത്.

LEAVE A REPLY