മെല്‍ബണ്‍: പുലരി വിക്ടോറിയയുടെ കിഡ്സ് വിങ് വിഭാഗം സെപ്റ്റംബര്‍ 25 നു മെല്‍ബണില്‍ മനോഹരമായ ഓണാഘോഷം സംഘടിപ്പിച്ചു. ഹാലം സെക്കണ്ടറി കോളേജ് ഓഡിറ്റോറിയത്തില്‍ വര്‍ണാഭമായ പൂക്കളവും നിറപറയും നിലവിളക്കും ഒരുക്കിക്കൊണ്ടാണ് ഓണാഘോഷം ആരംഭിച്ചത്. ചെണ്ടവാദ്യം, ശിങ്കാരിമേളം എന്നിവയോടൊപ്പം താലപ്പൊലിയേന്തിയ മലയാളിപ്പെണ്‍കൊടികള്‍, വാളും പരിചയും ഏന്തിയ അംഗചേകവന്മാര്‍ എന്നിവരുടെ അകമ്പടിയോടെയാണ് മാവേലി മന്നന്‍ എഴുന്നള്ളിയത്. വിഭവ സമൃദ്ധമായ ഓണസദ്യയോടൊപ്പം വര്‍ണശബളമായ കലാപരിപാടികള്‍ ആഘോഷങ്ങള്‍ക്ക് മാറ്റു കൂട്ടി.
pularionam2
പുലരി വിക്ടോറിയയുടെ അംഗങ്ങള്‍ പാചകം ചെയ്ത സ്വാദിഷ്ടമായ കേരളീയ വിഭവങ്ങൾ ഓണസദ്യയ്ക്ക് ഗൃഹാതുരത്വമേകി. സദ്യക്കു ശേഷം തുടങ്ങിയ കലാപരിപാടികളിലേക്കു ശ്രീ ജിതേഷ് കൊയ്യോടന്‍ സ്വാഗതം ആശംസിച്ചു.കുട്ടികളുടെ കലാപരിപാടികളോടൊപ്പം മുതിര്‍ന്നവര്‍ അവതരിപ്പിച്ചതിരുവാതിരയും വഞ്ചിപ്പാട്ടും ആഘോഷം ഗംഭീരമാക്കി.

ശ്രീ അനൂപ് മാത്യുവിന്‍റെ നന്ദിപ്രകാശനത്തോടെ പുലരിയുടെ ഈ വര്‍ഷത്തെ ഓണാഘോഷത്തിന് തിരശീല വീണു.

റിപ്പോര്‍ട്ട്: ജോര്‍ജ് തോമസ്

LEAVE A REPLY