ബാക്കികൊടുക്കാന്‍ പണമില്ല; പണി കിട്ടിയത് കട്ടപ്പനയിലെ ഋതിക് റോഷനും, ഒരേ മുഖത്തിനും

0

രാജ്യത്തെ 500, 1000 നോട്ടുകള്‍ പിന്‍വലിച്ഛതോടെ പണി കിട്ടിയവരുടെ കൂട്ടത്തില്‍ രണ്ടു മലയാള സിനിമകളും . വെള്ളിയാഴ്ച പ്രദര്‍ശനം നിശ്ചയിച്ചിരുന്ന നാദിര്‍ഷ സംവിധാനം ചെയ്ത കട്ടപ്പനയിലെ ഋതിക് റോഷന്‍, ധ്യാന്‍ ശ്രീനിവാസന്‍ നായകനായ ഒരേ മുഖം എന്നീ സിനിമകളുടെ റിലീസാണ് മാറ്റിവച്ചിരിക്കുന്നത്.നോട്ടിന്റെ പ്രശ്‌നം കൊണ്ടാണ് റിലീസ് മാറ്റിയത് എന്നറിയുന്നു .

100 രൂപ നോട്ടുകള്‍ ആവശ്യത്തിന് വിപണിയില്‍ ലഭ്യമാകാത്ത സാഹചര്യത്തില്‍ തിയറ്ററുകളിലേയ്ക്ക് ജനം എത്താതെ വരുമോയെന്ന ആശങ്കയിലാണ് റിലീസ് മാറ്റിയത്. ടിക്കറ്റെടുത്താല്‍ ബാക്കി കൊടുക്കാന്‍ പണമില്ലാത്ത പ്രശ്‌നം പലയിടത്തുമുണ്ട്.അതേസമയം നാളെ തീയേറ്ററുകളില്‍ എത്തേണ്ട തമിഴ്ചിത്രങ്ങളുടെ റിലീസില്‍ മാറ്റമൊന്നുമില്ല. ഗൗതം വസുദേവ് മേനോന്റെ എസ്ടിആര്‍ ചിത്രം ‘അച്ചം എമ്പത് മടമൈയടാ’, കാളിദാസ് ജയറാം നായകനാവുന്ന ‘മീന്‍കുഴമ്പും മണ്‍പാനയും’ എന്നിവ നാളെ തീയേറ്ററുകളിലെത്തും.

LEAVE A REPLY

This site uses Akismet to reduce spam. Learn how your comment data is processed.