വില്ലൊടിച്ച് വരൻ: ഇതാരാ കലിയുഗത്തിലെ രാമനോ?; വീഡിയോ വൈറൽ

0

വിവാഹത്തിൽ വ്യത്യസ്തത വരുത്തുന്നതാണ് ഇപ്പോഴത്തെ ട്രെൻഡ്. അത്തരത്തിൽ വ്യത്യസ്തമായ ഒരു വിവാഹ വീഡിയോ ആണ് ഇപ്പോൾ സോഷ്യൽമീഡിയയിൽ വൈറലായിക്കൊണ്ടിരിക്കുന്നത്. രാമായണത്തിൽ രാമന്റെ സ്വയംവരം എങ്ങനെയായിരുന്നോ അതിന് സമാനമായരീതിയിലൊരു കല്യാണം.

ബിഹാറിലെ സരണിലുള്ള ഒരു കുടുംബത്തിലാണ് വ്യത്യസ്തരീതിയിലുള്ള ഈ കല്യാണം നടന്നത്. വേദിയിലെത്തിയ വരൻ പ്രാർഥനയ്ക്ക് ശേഷം അവിടെ വച്ചിരുന്ന വില്ലെടുത്ത് രണ്ടായി മുറിച്ചു. അവിടെക്കൂടി നിന്നവരെല്ലാം കയ്യടികളോടെ വരനെ അനുമോദിച്ചു. ശേഷം വധുവെത്തി വരനെ മാലയണിയിച്ചു. ഈ വിവാഹത്തിന്റെ വിഡിയോയും ചിത്രങ്ങളുമെല്ലാം സോഷ്യൽ മീഡിയയിൽ പ്രചരിച്ചു.

ഇതാരാ കലിയുഗത്തിലെ രാമനോ? കലിയുഗത്തിലെ സ്വയംവരമോ തുടങ്ങി നീളുന്നു കമന്റുകൾ. എന്നാൽ വിവാഹത്തിനെത്തിയവർ ആരും തന്നെ സാമൂഹിക അകലം പാലിച്ചിട്ടില്ലെന്നും മാസ്ക് ധരിച്ചിട്ടില്ലെന്നും കോവിഡ് മാനദണ്ഡങ്ങളെല്ലാം കാറ്റിൽപ്പറത്തിയാണ് വിവാഹം നടത്തിയതെന്നും വിമർശനം ഉയരുന്നുണ്ട്.