ശബരിമലയില്‍ സ്ത്രീകള്‍ക്കും പ്രവേശിക്കാം; സുപ്രീംകോടതി

0

ശബരിമലയില്‍ സ്ത്രീകള്‍ക്കും പ്രവേശിക്കാം, ചരിത്ര വിധിയുമായി സുപ്രീംകോടതി. ശബരിമലയില്‍ പ്രായഭേദമെന്യേ സ്ത്രീകള്‍ക്കും പ്രവേശിക്കാമെന്നും ശാരീരിക ഘടനയുടെ പേരില്‍ വിവേചനം പാടില്ലെന്നും കോടതി പറഞ്ഞു. വെള്ളിയാഴ്ച രാവിലെ 10.30 മണിയോടെയാണ് കേസില്‍ സുപ്രധാന വിധി പറഞ്ഞത്.

ശാരീരിക ഘടനയുടെ പേരില്‍ ആര്‍ക്കും മതസ്വാതന്ത്ര്യം നിഷേധിക്കാന്‍ പാടില്ലെന്നും വര്‍ഷങ്ങള്‍ നീണ്ട വിശ്വാസങ്ങള്‍ ആയാലും തിരുത്താവുന്നതാണെന്നും കോടതി നിരീക്ഷിച്ചു. സ്ത്രീപ്രവേശന നിയന്ത്രണം നീക്കണമെന്നാവശ്യപ്പെട്ട് ഇന്ത്യന്‍ യങ് ലോയേഴ്‌സ് അസോസിയേഷന്‍ സമര്‍പ്പിച്ച ഹര്‍ജിയിലാണ് വിധി.

ചീഫ് ജസ്റ്റിസ് ദീപക് മിശ്ര അധ്യക്ഷനും ജസ്റ്റിസുമാരായ രോഹിന്റണ്‍ നരിമാന്‍, എ.എം. ഖാന്‍വില്‍ക്കര്‍, ഡി.വൈ ചന്ദ്രചൂഡ്, ഇന്ദുമല്‍ഹോത്ര എന്നിവരുമടങ്ങിയ ഭരണഘടനാബെഞ്ചാണ് വിധി പറഞ്ഞത്.

LEAVE A REPLY

This site uses Akismet to reduce spam. Learn how your comment data is processed.