“കേരളം ദുരന്തഭൂമിയായി മാറിയിരിക്കുമ്പോള്‍ ഞങ്ങള്‍ക്ക് ഓണം ആഘോഷിക്കാനാകില്ല” ; ഓണാഘോഷം ഉപേക്ഷിച്ച് ടെമാസെക്കിലെ വിദ്യാര്‍ഥികള്‍

0

സിംഗപ്പൂര്‍ : കേരളത്തില്‍ ഇപ്പോള്‍ നടക്കുന്ന ദുരന്തപൂര്‍ണ്ണമായ  അവസ്ഥയെക്കാള്‍ വലുതല്ല തങ്ങളുടെ ഏറെ നാളുകളുടെ പ്രയത്നവും , സാമ്പത്തിക നഷ്ടവുമെന്ന് തെളിയിച്ചിരിക്കുകയാണ് സിംഗപ്പൂരിലെ ഒരുപറ്റം വിദ്യാര്‍ഥികള്‍ .ലഭ്യമാകുന്ന വിവരമനുസരിച്ച് ശനിയാഴ്ച നടത്താനിരുന്ന വര്‍ണാഭമായ ഓണാഘോഷം നിറുത്തിവച്ചുകൊണ്ട് കഴിയുന്ന സഹായങ്ങള്‍ ചെയ്യുവാനാണ് സംഘാടകര്‍ തീരുമാനിച്ചിരിക്കുന്നത്.ടിക്കറ്റുകള്‍ എടുത്തവര്‍ക്ക്  പണം തിരിച്ചു വാങ്ങുകകയോ ,അല്ലെങ്കില്‍ ആ തുക വെള്ളപ്പൊക്ക ദുരിതാശ്വാസത്തിനായി ഉപയോഗിക്കുകയോ ചെയ്യാവുന്നതാണ്.

സിദ്ധാര്‍ഥ് മേനോന്‍ ,ഡിജെ സാവ്യോ ഉള്‍പ്പെടെയുള്ള  പ്രഗല്ഭരായ  ആളുകള്‍ പങ്കെടുക്കുന്ന പരിപാടിയാണ് ഈ ഒരവസ്ഥയില്‍ റദ്ദുചെയ്യുന്നത്.ആഘോഷങ്ങള്‍ സന്തോഷങ്ങളുടെ നിമിഷങ്ങളാകുമ്പോള്‍ ദുരന്ത നിമിഷങ്ങളില്‍ ഇങ്ങനെയൊരു ആഘോഷം നടത്താന്‍ മാനസികമായി ബുദ്ധിമുട്ടുകയാണ് ലോകമെമ്പാടുമുള്ള മലയാളികള്‍.അതുകൊണ്ട് കേരളത്തിനൊരു കൈത്താങ്ങായി ഒറ്റക്കെട്ടായി നിന്ന് പരസ്പരം സഹായിക്കാനാണ് ഇപ്പോള്‍ ശ്രമിക്കേണ്ടത്.

LEAVE A REPLY

This site uses Akismet to reduce spam. Learn how your comment data is processed.