വയനാട്ടിൽ വീണ്ടും കൊവിഡ് മരണം. മീനങ്ങാടി ചെന്നലോട് കോളനിയിലെ കൃഷ്ണൻ (60) ആണ് മരിച്ചത്. സുൽത്താൻ ബത്തേരിയിലെ സ്വകാര്യ ആശുപത്രിയിൽ ചികിത്സയിലിരിക്കെ ഇക്കഴിഞ്ഞ 13 നാണ് കൃഷ്ണന് കൊവിഡ് സ്ഥിരീകരിച്ചത്. തുടർന്ന് അദ്ദേഹത്തെ ജില്ലാ ആശുപത്രിയിൽ പ്രവേശിപ്പിക്കുകയായിരുന്നു.
സംസ്ഥാനത്തെ മറ്റ് ജില്ലകളെ അപേക്ഷിച്ച് വയനാട്ടിൽ കൊവിഡ് സാഹചര്യം ആശ്വാസകരമാണ്. മറ്റ് ജില്ലകളിൽ പ്രതിദിന കൊവിഡ് കേസുകളുടെ എണ്ണം നൂറിന് മുകളിൽ പോകുമ്പോൾ വയനാട്ടിൽ ഇന്നലെ 81 പേർക്ക് മാത്രമാണ് കൊവിഡ് സ്ഥിരീകരിച്ചത്. ഇതിൽ 75 പേർക്ക് സമ്പർക്കത്തിലൂടെയാണ് രോഗബാധ ഉണ്ടായത്.
