തിരുവനന്തപുരം: കോവിഡ് വ്യാപനം രൂക്ഷമായിരിക്കുന്ന സാഹചര്യത്തില്‍ സംസ്ഥാനത്ത് കോവിഡ് പ്രതിരോധ സാമഗ്രികളുടെ വില നിശ്ചയിച്ച് സര്‍ക്കാര്‍ ഉത്തരവിറക്കി. ഭക്ഷ്യ സിവിൽ സപ്ലൈസ് വകുപ്പാണ് വിജ്ഞാപനം ഇറക്കിയത്. കൊവിഡ് പ്രതിരോധത്തിന് വേണ്ട മാസ്ക്, ഗ്ലൗസ്, പിപിഇ കിറ്റ് അടക്കമുള്ള വസ്തുക്കളുടെ വിലയാണ് നിശ്ചയിച്ചിരിക്കുന്നത്.
ഇതു പ്രകാരം പിപിഇ കിറ്റിന് പരമാവധി 273 രൂപ മാത്രമേ ഈടാക്കാന്‍ സാധിക്കു. എന്‍ 95 മാസ്‌കിന് 22 രൂപയും സര്‍ജിക്കല്‍ മാസ്‌കിന് 3.90 രൂപയുമാക്കി സര്‍ക്കാര്‍ വിലനിശ്ചയിച്ചു.
വിലവിവര പട്ടിക
- പി.പി.ഇ കിറ്റ് -273 രൂപ
- എൻ 95 മാസ്ക് -22 രൂപ
- ട്രിപ്പിൾ ലെയർ മാസ്ക് -3 രൂപ
- ഫെയ്സ് ഷീൽഡ് – 21 രൂപ
- സർജിക്കൽ ഗൗൺ – 65 രൂപ
- ഗ്ലൗസ് -5.75 രൂപ
- ഓക്സിജൻ മാസ്ക് -54 രൂപ
- പൾസ് ഓക്സിമീറ്റർ -1500 രൂപ
- ഡിസ്പോസിബിള്‍ ഏപ്രൺ- 2 രൂപ
- സര്‍ജിക്കല്‍ ഗൗൺ – 65 രൂപ
- പരിശോധനാ ഗ്ലൗസുകള്‍- 5.75 രൂപ
- ഹാന്‍ഡ് സാനിറ്റൈസര്‍ ( 500 മില്ലി) – 192 രൂപ , 200 മില്ലി- 98 രൂപ, 100 മില്ലി- 55 രൂപ
- സ്റ്റിറയില്‍ ഗ്ലൗസ്ന് (ജോഡിക്ക് )-15 രൂപ
- എന്‍ആര്‍ബി മാസ്ക്- 80 രൂപ
- ഓക്സിജന്‍ മാസ്ക്- 54 രൂപ
- ഹ്യുമിഡിഫയറുള്ള ഫ്ളോമീറ്ററർ- 1520 രൂപ
നേരത്തെ പൾസ് ഓക്സിമീറ്ററുകളുടെ വില വിതരണക്കാരും വിൽപനക്കാരും സ്വയം നിയന്ത്രിക്കുമെന്ന് അറിയിച്ചിരുന്നു. ഉയർന്ന എംആർപിയുടെ മറവിൽ അമിത ലാഭത്തിൽ ഓക്സിമീറ്ററുകൾ വിൽപന നടത്തുന്നുവെന്ന ട്വന്റിഫോർ ന്യൂസ് വാർത്തയുടെ അടിസ്ഥാനത്തിലാണ് വില നിയന്ത്രിക്കാൻ വിതരണ, വിൽപന സംഘടനകൾ തയാറായത്
