![Modi-saree](https://i0.wp.com/www.pravasiexpress.com/wp-content/uploads/2019/02/Modi-saree.jpg?resize=696%2C464&ssl=1)
സ്വന്തം വസ്ത്ര ധാരണം കൊണ്ടുതന്നെ നരേന്ദ്രമോദി ഫാഷൻ ലോകത്തിന്റെ ചർച്ചവിഷയമായിമാറിക്കഴിഞ്ഞിട്ടുണ്ട്. അതുകൂടാതെ വിവാഹക്ഷണകത്തുകളിലും ടിഷര്ട്ടുകളിലുമെല്ലാം മോദി പ്രത്യക്ഷപ്പെട്ടിരുന്നു. എന്നാൽ ഇത്തവണ വിപണിയിലെ താരം മോദിയുടെ ചിത്രം പതിച്ച സാരികളാണ്.
![](https://i0.wp.com/www.pravasiexpress.com/wp-content/uploads/2019/02/4r8qpi7s_pm-modi-saree_625x300_26_February_19.jpg?resize=650%2C400&ssl=1)
ഇനി ഗുജറാത്തിലെ പെൺകൊടികൾ മോദിസരീ അണിയും. പൊതുതെരെഞ്ഞടുപ്പ് അടുത്തിരിക്കെ മോദിയുടെ വിപണി മൂല്യം തിരിച്ചറിഞ്ഞാണ് സൂറത്തിലെ ഒരു തുണിക്കടയില് ‘മോദി സാരികള്’ വില്പ്പനക്കെത്തിയത്.
![](https://i0.wp.com/www.pravasiexpress.com/wp-content/uploads/2019/02/modi-saree2AFP.jpg?resize=620%2C355&ssl=1)
പ്രധാനമന്ത്രി നരേന്ദ്ര മോദിയുടെചിത്രമുള്ള സാരികള് സ്ത്രീകള്ക്കിടയില് പ്രത്യേകിച്ചും വനിതാ ബിജെപി പ്രവര്ത്തകര്ക്കിടയില് ഹിറ്റാവുന്നു. വിവിധ ഡിസൈനിലുള്ള മോദി സാരികള് അന്യേഷിച്ച് നിരവധി പേര് സാരിക്കടയില് എത്തുന്നുണ്ട്. ഡിജിറ്റല് പ്രിന്റിങ്ങിലൂടെയാണ് മോദിയുടെ ചിത്രം സാരികളില് ആലേഖനം ചെയ്തിരിക്കുന്നത്.
![](https://i0.wp.com/www.pravasiexpress.com/wp-content/uploads/2019/02/modi_saree_1550061069_800x420.jpg?resize=696%2C365&ssl=1)
ഇപ്പോള് മൂന്ന് നാല് ഡിസൈനുകളില് മാത്രമേ സാരികള് ലഭ്യമായിട്ടുള്ളു. എന്നാല് അടുത്ത ദിവസങ്ങളില് മറ്റ് ഡിസൈനിലുള്ള സാരികളും പുറത്തിറക്കാനുള്ള പ്ലാനിലാണ് കടയുടമകൾ. മോദിയുടെ ചിത്രമുള്ള സാരിക്കായി സ്ത്രീകള് ഓണ്ലൈനായി ഓര്ഡര് നല്കുന്നത് വര്ധിക്കുകയാണ്. 1500 രൂപ വിലയുള്ള സാരികള് ഈ മാസമാണ് ഗുജറാത്തില് വില്പ്പന ആരംഭിച്ചത്.
![](https://i0.wp.com/www.pravasiexpress.com/wp-content/uploads/2019/02/67976957.jpg?resize=581%2C436&ssl=1)
സാരിയുടെ ഓണ്ലൈന് വ്യാപാരം എന്തായാലും പൊടിപൊടിക്കുയാണ്. മോദിയെ കൂടാതെ മറ്റ് രാഷ്ട്രീയക്കാരുടെ ചിത്രം പതിപ്പിച്ച സാരികളും പുറത്തിറക്കാനുള്ള തയ്യാറെടുപ്പിലാണ് വസ്ത്രവിപണി.