![pjimage-1-1550580176](https://i0.wp.com/www.pravasiexpress.com/wp-content/uploads/2019/11/pjimage-1-1550580176.jpg?resize=696%2C420&ssl=1)
പട്ടൗഡി കുടുംബത്തിലെ ചെറിയ നവാബ് എന്നറിയപ്പെടുന്ന ബോളിവുഡ് താരം സെയ്ഫ് അലി ഖാനും, പട്ടൗഡി പാലസും തമ്മിൽ നമ്മൾ അധികം കേട്ടിട്ടില്ലാത്ത ചില കഥകളുണ്ട്. ഇന്ന് 800 കോടി വിലമതിക്കുന്ന പട്ടൗഡി പാലസ് തനിക്ക് പൈതൃകമായി ലഭിക്കുകയായിരുന്നില്ലെന്നും ഇടക്കാലത്ത് നഷ്ടപ്പെട്ട കൊട്ടാരം അഭിനയത്തില് നിന്നും ലഭിച്ച പ്രതിഫലം ഉപയോഗിച്ച് വാങ്ങുകയായിരുന്നുവെന്നുമാണ് താരം വെളിപ്പെടുത്തിയത്. അടുത്തിടെ ഒരു മാധ്യമത്തോടു സംസാരിക്കവേ സെയ്ഫ് അക്കാര്യങ്ങള് പങ്കുവെക്കുകയും ചെയ്തു.
![](https://i0.wp.com/www.pravasiexpress.com/wp-content/uploads/2019/11/image-2-1.jpg?resize=696%2C386&ssl=1)
![](https://i1.wp.com/www.pravasiexpress.com/wp-content/uploads/2019/11/Pataudi_Palace.jpg?fit=696%2C522&ssl=1)
ഇന്ന് 800 കോടി വിലമതിക്കുന്ന പട്ടൗഡി പാലസ് നീമ്റാണ ഹോട്ടല്സ് നെറ്റ്വര്ക്കിനു പാട്ടത്തിന് കൊടുത്തിരിക്കുകയായിരുന്നു. അച്ഛന് മന്സൂര് അലി ഖാന് മരിച്ചതോടെയാണ് കൊട്ടാരം പാട്ടത്തിനു നല്കേണ്ടി വന്നത്. പിന്നീട് പാലസ് തിരികെ ലഭിക്കണമെങ്കില് വലിയ തുക നല്കണമെന്നും ഹോട്ടല് അധികൃതര് അറിയിച്ചു. ശേഷം സ്വന്തമായി അധ്വാനിച്ചുണ്ടാക്കിയ പണം കൊണ്ടാണ് താന് കൊട്ടാരം തിരികെ സ്വന്തമാക്കിയതെന്നും സെയ്ഫ് പറയുന്നു. അങ്ങനെ 2014ല് സെയ്ഫ് പട്ടൗഡി പാലസിന്റെ പൂര്ണ അവകാശം തിരികെ നേടിയെടുക്കുകയായിരുന്നു. ഇന്ന് സെയ്ഫിനും കുടുംബത്തിനും അവധിക്കാലം ആഘോഷിക്കാനുള്ളയിടമാണ് പട്ടൗഡി പാലസ്.
![](https://i0.wp.com/www.pravasiexpress.com/wp-content/uploads/2019/11/Nawab-Saif-Ali-Khans-Pataudi-Palace3.jpg?resize=696%2C464&ssl=1)
![](https://i0.wp.com/www.pravasiexpress.com/wp-content/uploads/2019/11/resorts_1368018852.24920130508184412.jpg?resize=696%2C523&ssl=1)
ഹരിയാനയിലെ ഗുഡ്ഗാവിലാണ് പട്ടൗഡി പാലസ് സ്ഥിതി ചെയ്യുന്നത്. സെയ്ഫ് അലി ഖാന്റെ പിതാവും പട്ടൗഡിയിലെ നവാബുമായിരുന്ന മന്സൂര് അലിഖാന്റെ പിതാവും പട്ടൗഡിയിലെ പട്ടൗഡിയിലെ നവാബുമായിരുന്ന മന്സൂര് അലിഖാന്റെ പിതാവും പട്ടൗഡിയിലെ എട്ടാമത്തെ നവാബുമായിരുന്ന ഇഫ്തിക്കര് അലിഖാന് പട്ടൗഡി പണികഴിപ്പിച്ചതാണ് ഈ വീട്. കൊളോണിയല് മാതൃകയില് പണികഴിപ്പിച്ച ഈ കൊട്ടാരത്തിൽ ഏഴ് ബെഡ്റൂമുകള്, ഏഴ് ഡ്രസ്സിങ് റൂം, ഏഴ് ബില്യാര്ഡ്സ് റൂമുകള്, ഡ്രോയിങ് റൂം, ഡൈനിങ് റൂം തുടങ്ങി നൂറ്റിയമ്പതോളം മുറികളാണ് ഇവിടെയുള്ളത്.
![](https://i0.wp.com/www.pravasiexpress.com/wp-content/uploads/2019/11/The-Dining-Room.jpg?resize=696%2C317&ssl=1)
![](https://i0.wp.com/www.pravasiexpress.com/wp-content/uploads/2019/11/resorts_1368018851.244620130508184411.jpg?resize=696%2C523&ssl=1)