![](https://i0.wp.com/www.pravasiexpress.com/wp-content/uploads/2022/07/Sheikh-Mohammed-orders-to-send-emergency-teams-to-rain-affected-Fujairah-and-eastern-region_182411b0038_medium.jpg?resize=540%2C405&ssl=1)
അബുദാബി: യുഎഇയിലുണ്ടായ കനത്ത മഴയിലും തുടര്ന്നുണ്ടായ പ്രളയത്തിലും ഏഴു പ്രവാസികള് മരിച്ചു. ഏഷ്യന് വംശജരാണ് മരിച്ചതെന്ന് യുഎഇ ആഭ്യന്തര മന്ത്രാലയത്തിലെ ഉദ്യോഗസ്ഥന് വെളിപ്പെടുത്തി. മരണപ്പെട്ട പ്രവാസികളുടെ കുടുംബത്തെ ആഭ്യന്തര മന്ത്രാലയം അനുശോചനം അറിയിച്ചു.
റാസല്ഖൈമ, ഷാര്ജ, ഫുജൈറ എന്നിവിടങ്ങളിലായാണ് മൃതദേഹങ്ങള് കണ്ടെടുത്തത്. അപകടത്തില്പ്പെട്ടവരുടെ പേരും വിവരങ്ങളും പുറത്തുവിട്ടിട്ടില്ല. വീടുകളിലും മറ്റും വെള്ളം കയറിയവരെ സുരക്ഷിത സ്ഥാനങ്ങളിലേക്ക് മാറ്റിയിട്ടുണ്ടെന്ന് ആഭ്യന്തര മന്ത്രാലയ വക്താവ് അറിയിച്ചു.