ഏറ്റുമാനൂര്‍: അമേരിക്കയിലെ ന്യൂജഴ്‌സിയിലെ റോയല്‍ ആല്‍ബര്‍ട്‌സ് പാലസില്‍നടന്ന 40-ാമത് മിസ് ഇന്ത്യ യു.എസ്.എ. പേജന്റില്‍ മലയാളിയായ തനിഷ കുണ്ടു മിസ് ഇന്ത്യ യു.എസ്.എ.മിസ് ബ്യൂട്ടിഫുള്‍ ഫെയ്‌സ് ആയി തിരഞ്ഞെടുക്കപ്പെട്ടു. 30 സംസ്ഥാനങ്ങളില്‍നിന്നുള്ള 74 മത്സരാര്‍ഥികളില്‍നിന്നാണ് തനിഷ തിരഞ്ഞെടുക്കപ്പെട്ടത്.
മിസ് ഇന്ത്യ ടെക്‌സസില്‍ മിസ് ടാലെന്റ്, ഫസ്റ്റ് റണ്ണറപ്പ് എന്നീ പുരസ്‌കാരങ്ങളും തനിഷക്ക് ലഭിച്ചിട്ടുണ്ട്. ഏറ്റുമാനൂര്‍ ശര്‍മ്മാസ് കോളേജ് ഉടമ പരേതനായ എ.എന്‍. നാരായണശര്‍മ്മയുടെ (ശര്‍മ്മ സാര്‍) മകള്‍, അമേരിക്കയിലെ ടെക്‌സാസില്‍ താമസിക്കുന്ന മഞ്ജിമയുടെയും കൗശികിന്റെയും മകളാണ് തനിഷ കുണ്ടു.
ആയോധനകലയായ കരാട്ടേയെ അടിസ്ഥാനമാക്കി സ്വയം ചിട്ടപ്പെടുത്തിയ നൃത്തമാണ് മിസ് ടാലെന്റ് വിഭാഗത്തില്‍ തനിഷക്ക് പുരസ്‌കാരം നേടിക്കൊടുത്തത്.
