എയർ ഇന്ത്യ വീണ്ടും വിവാദത്തിൽ. യാത്രക്കാരൻ മൂത്രമൊഴിച്ചതായി മറ്റൊരു പരാതി കൂടി ലഭിച്ചു. പാരിസ് – ഡൽഹി വിമാനത്തിലാണ് സംഭവം. വനിത യാത്രികയുടെ പുതപ്പില്‍ മദ്യപിച്ച് ലക്കുകെട്ട വ്യക്തി മൂത്രമൊഴിച്ചു.
കഴിഞ്ഞ മാസമാണ് സംഭവം നടന്നത്. ന്യൂയോർക്ക് – ഡൽഹി വിമാനത്തിൽ യുവതി അതിക്രമം നേരിടേണ്ടി വന്നതിന്‍റെ ഞെട്ടല്‍ മാറും മുമ്പാണ് സമാനമായ മറ്റൊരു പരാതി എത്തിയിരിക്കുന്നത്. അതേസമയം ന്യൂയോർക്ക് -ഡൽഹി വിമാനത്തിൽ സഹയാത്രികയ് ക്ക് നേരെ അതിക്രമം നടത്തിയത് മുംബൈ വ്യവസായിയെന്ന് ഡൽഹി പൊലീസ് കണ്ടെത്തിയിട്ടുണ്ട്.
