തിരുവനന്തപുരം: ലോക്സഭാ തെരഞ്ഞെടുപ്പിൽ തിരുവനന്തപുരം സീറ്റിലേക്ക് ബിജെപി പരിഗണിക്കുന്നത് മോഹൻലാലിനെയെന്ന്മുതിർന്ന ബിജെപി നേതാവ് ഒ രാജഗോപാൽ. സ്ഥാനാര്‍ത്ഥിയാകണമെന്ന് ആവശ്യപ്പെട്ട് മോഹൻലാലിനെ സമീപിച്ചിട്ടുണ്ടെന്ന് ഒ രാജഗോപാൽ സ്ഥിരീകരിച്ചു. മോഹൻലാൽ പൊതുകാര്യങ്ങളിൽ തത്‌പ്പരനാണ്.ബിജെപിയോട് അനുഭാവം കാണിക്കുന്നയാളാണ് മോഹൻലാൽ എന്നും അദ്ദേഹം വ്യക്തമാക്കി.എന്‍ഡിടിവിയോടാണ് ഒ രാജഗോപാൽ ഈ വെളിപ്പെടുത്തൽ നടത്തിയത്. ബിജെപി ടിക്കറ്റില്‍ മത്സരിച്ചില്ലെങ്കിലും സ്വതന്ത്ര എന്‍ഡിഎ സ്ഥാനാര്‍ത്ഥിയായെങ്കിലും ലാല്‍ കളത്തിലിറങ്ങും എന്നും പ്രചാരണങ്ങള്‍ കൊഴുക്കുന്നുണ്ട്.
