ബെംഗളൂരു: തെന്നിന്ത്യൻ താരം പ്രകാശ് രാജ് രാഷ്ട്രീയ പ്രവേശനത്തിനൊരുങ്ങുന്നു. പുതുവര്‍ഷം ആശംസിച്ചുകൊണ്ടുള്ള ട്വീറ്റിലൂടെയാണ് പ്രകാശ് രാജ് രാഷ്ട്രീയ പ്രവേശനം പ്രഖ്യാപിച്ചത്.
2019 ലോക്‌സഭാ തിരഞ്ഞെടുപ്പില്‍ നിങ്ങളുടെ പിന്തുണയോടെ സ്വന്ത്രനായി മത്സരിക്കുമെന്നും അദ്ദേഹം അറിയിച്ചു. ഏത് മണ്ഡലത്തെ പ്രധിനിധീകരിച്ചു നില്കുമെന്ന തീരുമാനം പിന്നീട് അറിയിക്കും. അബ് കി ബാര്‍ ജനതാ സര്‍ക്കാര്‍ എന്ന മുദ്രാവാക്യത്തോടെയാണ് പ്രകാശ് രാജിന്‍റെ ട്വീറ്റ്. അബ് കി ബാര്‍ മോദി സര്‍ക്കാര്‍ എന്നായിരുന്നു 2014 – ല്‍ ബി ജെ പി യുടെ മുദ്രാവാക്യം. ഏതെങ്കിലും രാഷ്ട്രീയ പാര്‍ട്ടികളുടെ ഭാഗമായി നില്‍ക്കുന്നതിനോ പുതിയ പാര്‍ട്ടി ഉണ്ടാക്കുന്നതിനേ സംബന്ധിച്ചോ അദ്ദേഹം സൂചനകള്‍ നല്‍കിയിട്ടില്ല. ട്വിറ്ററിലൂടെയുള്ള പ്രഖ്യാപനത്തിന് പ്രകാശ് രാജിന് മികച്ച സ്വീകരണമാണു ലഭിച്ചത്.
