![vijay-birthday-poster.jpg.image.845.440](https://i0.wp.com/www.pravasiexpress.com/wp-content/uploads/2021/06/vijay-birthday-poster.jpg.image_.845.440.jpg?resize=696%2C362&ssl=1)
47ന്റെ നിറവിൽ ദളപതി വിജയ്. നിരവധി ആരാധകരാണ് ഇദ്ദേഹത്തിന് ആശംസകളുമായി എത്തിയിരിക്കുന്നത്. താരത്തിന്റെ ജന്മദിനത്തോട് അനുബന്ധിച്ച് ഏറ്റവും പുതിയ ചിത്രമായ ബീസ്റ്റിലെ സെക്കൻഡ് ലുക്ക് പോസ്റ്റർ പങ്കുവച്ചിരിക്കുകയാണ് അണിയറപ്രവർത്തകർ. രജനികാന്തിന് ശേഷം തമിഴ്നാട്ടിലും കേരളത്തിലും ഇത്രയേറെ ആരാധകര് ഉള്ള താരം അപൂര്വ്വമാണ്.
മാസ് ലുക്കിലുള്ള വിജയുടെ ചിത്രമാണ് പോസ്റ്ററിൽ. നെൽസൺ ദിലീപ് കുമാറാണ് ചിത്രം സംവിധാനം ചെയ്യുന്നത്. വിജയുടെ കരിയറിലെ അറുപത്തിയഞ്ചാമത്തെ ചിത്രമാണിത്. കഴിഞ്ഞ ദിവസം ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത് വിട്ടിരുന്നു. സൺ പിക്ച്ചേഴ്സ് നിർമിക്കുന്ന ചിത്രത്തിൽ പൂജ ഹെഗ്ഡേയാണ് നായിക. നായകൻ, കളക്ടർ, വില്ലൻ എന്നീ മലയാള ചിത്രങ്ങൾക്ക് ഛായാഗ്രഹണം നിർവഹിച്ച മനോജ് പരമഹംസയാണ് ഈ സിനിമയുടെ ഛായഗ്രഹണം നിർവഹിക്കുന്നത്
![](https://i0.wp.com/www.pravasiexpress.com/wp-content/uploads/2021/06/vijay-birthday-1.jpg.image_.845.440-1.jpg?resize=696%2C362&ssl=1)
ജോസഫ് വിജയ് ചന്ദ്രശേഖര് എന്നാണ് താരത്തിന്റെ മുഴുവന് പേര്. കഴിഞ്ഞ രണ്ട് ദശകമായി 64 സിനിമകളില് വിജയ് അഭിനയിച്ചു. ബോക്സ്ഓഫീസില് നിരവധി ഹിറ്റ് സിനിമകളുള്ള താരമാണ്. 1997, 2005 വര്ങ്ങളില് തമിഴ്നാട് സര്ക്കാരിന്റെ മികച്ച നടനുള്ള പുരസ്കാരം വിജയ് നേടിയിട്ടുണ്ട്.
പിറന്നാൾ ദിനത്തിൽ വ്യത്യസ്തമായ ആഘോഷ പരിപാടികളാണ് ആരാധകർ തമിഴ്നാട്ടിലെമ്പാടും ഒരുക്കിയിരിക്കുന്നത്. വാട്സാപ്പ് ഡിസ ്പ്ളേ പിക്ചറായി ഉപയോഗിക്കാൻ തയ്യാറാക്കിയ ചിത്രം ഇതിനോടകം വൈറലാണ്. വിജയ് ഇതുവരെ അവതരിപ്പിച്ച ഹിറ്റ് കഥാപാത്രങ്ങളെ എല്ലാം ഉൾപ്പെടുത്തി തയ്യാറാക്കിയതാണ് ചിത്രം. ഡിപിയിൽ ഒട്ടേറെ ചെറിയ വിശദാംശങ്ങൾ പോലും ഉൾപ്പെടുത്തിയിട്ടുണ്ട്. കൊവിഡ് നിയന്ത്രണങ്ങളെത്തുടന്ന് പിറന്നാൾ ആഘോഷം ട്വിറ്റർ സ്പേസ് പ്ളാറ്റ്ഫോമിലാകും.