![newsrupt_2019-02_8f1cfc69-c28a-478a-9879-e935b879c1b1_pulvama_vasantha](https://i0.wp.com/www.pravasiexpress.com/wp-content/uploads/2019/02/newsrupt_2019-02_8f1cfc69-c28a-478a-9879-e935b879c1b1_pulvama_vasantha.jpg?resize=696%2C435&ssl=1)
പുൽവാമ: പുൽവാമയില് ജെയ്ഷെ മുഹമ്മദ് തീവ്രവാദി നടത്തിയ ചാവേർ ആക്രമണത്തിൽ മരിച്ചവരിൽ ഒരാൾ വയനാട് സ്വദേശ.വയനാട് ലക്കിടി സ്വദേശിയായ വി വി വസന്തകുമാരാണ് ചാവേർ ആക്രമണത്തിൽ കൊല്ലപ്പെട്ട മലയാളി ജവാൻ. എൺപത്തിരണ്ടാം ബെറ്റാലിയനിൽപ്പെട്ട വസന്ത് കുമാർ അടക്കം 44 പേരാണ് ഇന്നലത്തെ ചാവേർ ആക്രമണത്തിൽ മരിച്ചത്.
ജമ്മു – ശ്രീനഗര് ദേശീയ പാതയിലെ അവന്തിപ്പൊരയിൽ ഇന്നലെ ഉച്ചതിരിഞ്ഞ് വൈകീട്ട് 3.25 നാണ്, സിആര്പിഎഫ് വാഹനവ്യൂഹത്തിന് നേരെ 200 കിലോഗ്രാം സ്ഫോടക വസ്തു നിറച്ച വാഹനം ഓടിച്ചുകയറ്റിയാണ് തീവ്രവാദി സ്ഫോടനം നടത്തിയത്. ജയ്ഷെ മുഹമ്മദ് അംഗം ആദിൽ അഹമ്മദാണ് ചാവേറാക്രമണം നടത്തിയതെന്നാണ് പൊലീസ് കണ്ടെത്തൽ. പുൽവാമ സ്വദേശിയായ ഇയാള് 2018 ലാണ് ജയ്ഷെ മുഹമ്മദിൽ ചേര്ന്നതെന്നും ജമ്മു പൊലീസ് അറിയിച്ചു. ജമ്മുവിൽ നിന്ന് ശ്രീനഗറിലേയ്ക്ക് പോയ വാഹനവ്യൂഹത്തിൽ 78 ബസുകളുണ്ടായിരുന്നു. 2500 ലധികം ജവാന്മാരാണ് വാഹനങ്ങളിലുണ്ടായിരുന്നത്. വാഹന വ്യൂഹത്തിന്റെ മധ്യഭാഗത്തായി 42 പേര് സഞ്ചരിച്ച ബസിലേയ്ക്കാണ് ഇയാള് വാഹനം ഇടിച്ചു കയറ്റിയത്.