ലോക്‌പാൽ ജുഡീഷ്യൽ അംഗം ജസ്റ്റിസ് എ കെ ത്രിപാഠി(62) കൊവിഡ് ബാധിച്ച് മരിച്ചു. കൊവിഡ് ബാധിച്ച് എയിംസിൽ ചികിത്സയിലായിരുന്നു. മുൻ ഛത്തീസ്ഗഡ് ഹൈക്കോടതി ചീഫ് ജസ്റ്റിസായിരുന്നു. ആരോഗ്യപ്രശ്‌നങ്ങളെ തുടർന്ന് ഏപ്രിൽ അഞ്ചിനാണ് ത്രിപാഠിയെ എയിംസിലെ ഇന്റൻസീവ് കെയർ യൂണിറ്റിൽ പ്രവേശിപ്പിച്ചത്.
പരിശോധനയിൽ കൊവിഡ് സ്ഥിരീകരിച്ചതോടെ എയിംസിലെ തന്നെ ട്രോമ കെയറിലേക്ക് മാറ്റി. എയിംസിൽ കൊവിഡ് ചികിത്സയ്ക്കായി സജ്ജീകരിച്ച പ്രത്യേക ട്രോമ കെയറിൽ ആദ്യം പ്രവേശിപ്പിച്ചതും ത്രിപാഠിയെ ആയിരുന്നു. ആരോഗ്യനില ഗുരുതരമായിരുന്നതിനെതുടർന്ന് വെന്റിലേറ്ററായിരുന്ന ത്രിപാഠി ഇന്നലെ രാത്രി 8.45നാണ് മരിച്ചതെന്ന് ആശുപത്രി അധികൃതർ അറിയിച്ചു. ജസ്റ്റിസ് ത്രിപാഠിയുടെ മകൾക്കും പാചകക്കാരനും നേരത്തെ കൊവിഡ് സ്ഥിരീകരിച്ചിരുന്നു.
