![150891-sslc-result](https://i0.wp.com/www.pravasiexpress.com/wp-content/uploads/2022/07/150891-sslc-result.jpg?resize=696%2C398&ssl=1)
തിരുവനന്തപുരം: പ്ലസ് വണ് പ്രവേശനത്തിനുള്ള ട്രയല് അലോട്ട്മെന്റ് പ്രസിദ്ധീകരിച്ചു. വിദ്യാര്ത്ഥികള്ക്ക് പൊതു വിദ്യാഭ്യാസവകുപ്പിന്റെ വെബ്സൈറ്റായ www.admission.dge.kerala.gov.in വഴി അലോട്ട്മെന്റ് പരിശോധിക്കാം. ആദ്യ അലോട്ടുമെന്റ് പട്ടിക ഓഗസ്റ്റ് 3ന് പ്രസിദ്ധീകരിക്കും. ക്ലാസ്സുകള് ഓഗസ്റ്റ് 22 ന് തുടങ്ങുന്ന രീതിയിലാണ് ക്രമീകരണം.
ഇന്ന് ട്രയൽ അലോട്ട്മെന്റ് പ്രസിദ്ധീകരിച്ച ശേഷം മൂന്ന് ദിവസം വിദ്യാർത്ഥികൾക്ക് അപേക്ഷയിൽ തിരുത്തൽ വരുത്താനും ഓപ്ഷനുകൾ പുനഃക്രമീകരിക്കാനും കൂട്ടിച്ചേർക്കാനും അവസരം നൽകും. ഇതുകൂടി പരിഗണിച്ചായിരിക്കും ആദ്യ അലോട്ട്മെന്റ് പ്രസിദ്ധീകരിക്കുക. ഓഗസ്റ്റ് 23മുതൽ സെപ്റ്റംബർ 30 വരെ സപ്ലിമെന്ററി അലോട്ട്മെന്റുകൾ നടക്കും. സെപ്റ്റംബർ 30ന് പ്രവേശന നടപടികൾ അവസാനിപ്പിക്കും.
അതേസമയം സ്പോര്ട്സ് ക്വാട്ട പ്രവേശനത്തിനുള്ള ആദ്യ അലോട്ട്മെന്റ് ഓഗസ്റ്റ് മൂന്നിന് ആരംഭിക്കും. അവസാന അലോട്ട്മെന്റ് ഓഗസ്റ്റ് 17ന് അവസാനിക്കും. കമ്യൂണിറ്റി ക്വാട്ട പ്രവേശനത്തിനുള്ള അപേക്ഷ ഓഗസ്റ്റ് ഒന്ന് മുതല് സ്കൂളുകളില് ആരംഭിക്കും. റാങ്ക് ലിസ്റ്റ് ഓഗസ്റ്റ് ഒമ്പതിന് പ്രസിദ്ധീകരിക്കും. അന്ന് തന്നെ പ്രവേശനവും ആരംഭിക്കുന്നതാണ്. മാനേജ്മെന്റ്ക്വാട്ടയില് ഓഗസ്റ്റ് ആറ് മുതല് 20 വരെ പ്രവേശനം നടത്താം. ഓഗസ്റ്റ് 23മുതല് സെപ്റ്റംബര് 30 വരെ സപ്ലിമെന്ററി അലോട്ട്മെന്റുകള് നടക്കും. സെപ്റ്റംബര് 30ന് പ്രവേശന നടപടികള് അവസാനിപ്പിക്കും.