![jed---death-jamshir-jpg_710x400xt](https://i0.wp.com/www.pravasiexpress.com/wp-content/uploads/2020/02/jed-death-jamshir-jpg_710x400xt.jpg?resize=696%2C392&ssl=1)
റിയാദ്: സൗദി അറേബ്യയില് ജോലി ചെയ്യുന്ന വീടിന് മുന്നിൽ നിൽക്കുമ്പോൾ കാറിടിച്ച് മലയാളി ഹൗസ് ഡ്രൈവർക്ക് ദാരുണാന്ത്യം. ജിദ്ദ സനാബീൽ ഏരിയയിലായിരുന്നു സംഭവം. മലപ്പുറം വേങ്ങര ഊരകം സ്വദേശി ജംഷീർ കുന്നത്തൊടി (26) ആണ് മരിച്ചത്. ഇദ്ദേഹം ഹൗസ് ഡ്രൈവറായി ജോലി ചെയ്യുന്ന വീട്ടിന് മുന്നിൽ നിൽക്കുമ്പോൾ സൗദി പൗരന് ഓടിച്ചിരുന്ന കാര് നിയന്ത്രണം വിട്ടുവന്നിടിച്ചായിരുന്നു അപകടം. തൽക്ഷണം മരിച്ചു. മഹ്ജർ കിങ് അബ്ദുൽ അസീസ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം ജിദ്ദയിൽ ഖബറടക്കും. പിതാവ്: മുഹമ്മദ് ഹനീഫ, മാതാവ്: റസിയ