തിരുവനന്തപുരം: സംസ്ഥാനത്ത് 5 സര്‍ക്കാര്‍ നഴ്സിങ് കോളെജുകള്‍ക്ക് കൂടി അനുമതി. പത്തനംതിട്ട, ഇടുക്കി, പാലക്കാട്, വയനാട്, കാസർഗോഡ് ജില്ലകളിലെ മെഡിക്കൽ കോളെജുകളോട് ചേർന്നാണ് പുതിയ നഴ്സിങ് കോളെജുകൾക്ക് അനുമതിയായിരിക്കുന്നത്.
നിലവിൽ അഞ്ചിടത്തും നഴ്സിങ് കോളെജില്ല. നഴ്സിങ് പഠനമേഖലയുടെ സമഗ്ര വികസനമെന്ന ബജറ്റ് പ്രഖ്യാപനത്തിന്‍റെ ഭാഗമായാണിത്. ആദ്യഘട്ടത്തിൽ 20 കോടി രൂപ ചെലവിൽ സർക്കാർ തലത്തിൽ 25 നഴ്സിങ് കോളെജുകൾ സ്ഥാപിക്കുമെന്ന് കഴിഞ്ഞ ബജറ്റിലുണ്ടായിരുന്നു. കോളെജുകൾ ആരംഭിക്കുന്നതിനുള്ള കർമ്മപദ്ധതി ആരോഗ്യവിദ്യാഭ്യാസ ഡയറക്റ്റർ ഇതിനകം സർക്കാരിനു സമർപ്പിച്ചിട്ടുണ്ട്.
