![momnchild](https://i0.wp.com/www.pravasiexpress.com/wp-content/uploads/2016/08/momnchild-e1470926862698.jpg?resize=680%2C425&ssl=1)
അമ്മമാര്ക്കൊരു നല്ല വാര്ത്ത. പൂര്ണ ശമ്പളാനുകൂല്യങ്ങളോടെയുള്ള പ്രസവാവധി ആറരമാസമാക്കാനുള്ള നിയമഭേദഗതി ബില്ല് രാജ്യസഭ പാസാക്കി. ഇതോടെ ശമ്പളാനുകൂല്യങ്ങളോടെ പ്രസാവവധി 12 ആഴ്ചയില് നിന്ന് 26 ആഴ്ചയായി വര്ധിക്കും.
മാതൃത്വ ആനുകൂല്യ നിയമഭേദഗതി ബില്ലിന് കഴിഞ്ഞ ദിവസം കേന്ദ്രമന്ത്രിസഭാ യോഗം അംഗീകാരം നല്കിയിരുന്നു. ബില്ല് വ്യാഴാഴ്ച തന്നെ രാജ്യസഭയില് അവതിപ്പിക്കുകയായിരുന്നു. രണ്ടു മക്കളുടെ കാര്യത്തിലാണ് ആനുകൂല്യം. രണ്ടില് കൂടുതല് കുട്ടികളുടെ കാര്യത്തില് പ്രസവാവധി 12 ആഴ്ച തന്നെയായിരിക്കും. കുട്ടികളെ ദത്തെടുക്കുന്ന അമ്മക്കും 12 ആഴ്ചത്തെ മാതൃത്വ അവധി അനുവദിക്കും. വീട്ടിലിരുന്ന് ജോലി ചെയ്യാനുള്ള സൗകര്യം ഒരുക്കുന്നതിനും വ്യവസ്ഥയുണ്ട്.പത്തോ അധിലധികമോ ജീവനക്കാരുളള എല്ലാ സ്ഥാപനങ്ങളും നിയമഭേദഗതിയുടെ പരിധിയില് വരും.