ന്യൂഡൽഹി: തനിക്കും ഷാരൂഖ് ഖാനും ശേഷം ഇനി താരങ്ങളുണ്ടാകില്ലെന്ന് കങ്കണ റണാവത്ത്. താരങ്ങളുടെ അവസാന തലമുറ എന്നാണ് കങ്കണ ഷാരൂഖ് ഖാനെയും തന്നെയും വിശേഷിപ്പിച്ചിരിക്കുന്നത്. സിനിമയിലെ മോശം പ്രകടനം മൂലമാണോ രാഷ്ട്രീയത്തിൽ പ്രവേശിച്ചതെന്ന ചോദ്യത്തിന് മറുപടി പറയുകയായിരുന്നു കങ്കണ. ഹിമാചൽ പ്രദേശിലെ മാണ്ഡി സീറ്റിൽ നിന്നാണ് ബിജെപി സ്ഥാനാർഥിയായി കങ്കണ മത്സരിക്കുന്നത്. ഒരു അഭിനേതാവിനും വിജയങ്ങൾ മാത്രമുള്ള ഒരു കരിയർ ഉണ്ടാകില്ല.
ഷാരൂഖ് ഖാന്‍റെ ചിത്രങ്ങൾ പത്തു വർഷത്തോളം വിജയിച്ചിരുന്നില്ല. അതിനൊടുവിലാണ് പത്താൻ സൂപ്പർ ഹിറ്റായത്. ഏഴു വർഷത്തോളം എന്‍റെ ചിത്രങ്ങളും വിജയിച്ചിരുന്നില്ല.
അതിനു ശേഷം ക്വീൻ സൂപ്പർഹിറ്റായി. ഇനിയും കുറച്ചു നല്ല സിനിമകൾ വരുന്നുണ്ട്. ഒടിടി ഒരിക്കലും താരങ്ങളെ സൃഷ്ടിക്കില്ലെന്നും കങ്കണ വ്യക്തമാക്കി.
