തൃശൂര്‍: മിമിക്രി താരവും മാരുതി കാസറ്റ് ഉടമയുമായ കലാഭവന്‍ കബീര്‍ (45) ഷട്ടിൽ കളിക്കുന്നതിനിടെ കുഴഞ്ഞുവീണ് മരിച്ചു. 45 വയസായിരുന്നു. ഇന്ന് രാത്രി എട്ട് മണിയോടെ ഇരിങ്ങാലക്കുട ക്രൈസ്റ്റ് വിദ്യാനികേതൻ ഷട്ടിൽ അക്കാദമിയിൽ കളിക്കുന്നതിനിടെയാണ് തളർന്ന് വീണത്.
സഹകരണ ആശുപത്രിയിലേക്ക് എത്തിച്ചുവെങ്കിലും ജീവൻ രക്ഷിക്കാനായില്ല. കലാഭവന്‍ മണിയുടെ നാടന്‍ പാട്ടുകള്‍ പുറത്തിറക്കിയിരുന്ന മാരുതി കാസറ്റ്‌സിന്റെ ഉടമയായിരുന്നു.
