ചെലവ് ചുരുക്കാന്‍ നാല് ഓണ്‍ലൈന്‍ പതിപ്പുകള്‍ ബിബിസി അടച്ചു പൂട്ടുന്നു

0

ചെലവ് ചുരുക്കലിന്റെ ഭാഗമായി ബിബിസി തങ്ങളുടെ നാല് ഓണ്‍ലൈന്‍ സൈറ്റുകള്‍ നിര്‍ത്തലാക്കുന്നു . പതിനഞ്ചു മില്യന്‍ പൗണ്ടിന്റെ കുറവു പരിഹരിക്കാനാണ് ബ്രിട്ടന്റെ ഔദ്യോഗിക മാധ്യമം തങ്ങളുടെ സൈറ്റുകളുടെ പ്രവര്‍ത്തനം നിര്‍ത്തി വയ്ക്കുന്നത്. 

ബിബിസി ഫുഡ്, ന്യൂസ് മാഗസിന്‍, ന്യൂസ് ബീറ്റ്, ഐവണ്ടര്‍ എന്നീ സൈറ്റുകളാണ് അടച്ചുപൂട്ടുന്നത്. ബിബിസിയുടെ ട്രാവല്‍ സൈറ്റും അടച്ചു പൂട്ടാനാണ് നീക്കം. ഡിജിറ്റല്‍ റേഡിയോയുടെ സോഷ്യല്‍ മീഡിയ സാന്നിധ്യവും കുറയ്ക്കാന്‍ തീരുമാനിച്ചിട്ടുണ്ട്. ഫുഡ് വെബ്‌സൈറ്റിലെ 11,000ത്തോളം പാചകക്കുറിപ്പുകള്‍ ആര്‍ക്കൈവ് ചെയ്യുമെന്നും ബിബിസി വ്യക്തമാക്കി.നാല് സൈറ്റുകള്‍ക്ക് പുറമെ ഡിജിറ്റല്‍ റേഡിയോ, മ്യൂസിക് എന്നിവയുടെ സോഷ്യല്‍ മീഡിയ പ്രവര്‍ത്തനങ്ങളും കുറയ്ക്കും. ബിബിസി ന്യൂസ് മാഗസിന്‍ സൈറ്റ് ബിബിസിയുടെ വാര്‍ത്താ സൈറ്റിലെ ഒരു പേജാക്കി മാറ്റി. കമ്പനിയുടെ ട്രാവല്‍ സൈറ്റും പൂട്ടിയേക്കുമെന്നാണ് റിപ്പോര്‍ട്ട്.

ന്യൂസ്ബീറ്റിന്റെ സൈറ്റും ആപ്പും ഇനി മുതല്‍ ലഭിക്കില്ല. പകരം ബിബിസി ന്യൂസ് ഓണ്‍ലൈന്‍ സൈറ്റിലെ വിവരങ്ങള്‍ മാത്രമാകും ഇനി ആപ്പ് വഴി ലഭിക്കുക.  നാല് സൈറ്റുകള്‍ പൂട്ടുക വഴി ഒന്നര കോടി യൂറോയുടെ ( ഏകദേശം 113 കോടി രൂപ) ചെലവ് വെട്ടിക്കുറയ്ക്കാനാകുമെന്നാണ് ബിബിസി (ബ്രിട്ടീഷ് ബ്രോഡ്കാസ്റ്റിങ് കോര്‍പ്പറേഷന്‍) കണക്കുകൂട്ടുന്നത്.

LEAVE A REPLY

This site uses Akismet to reduce spam. Learn how your comment data is processed.