വംശനാശം സംഭവിച്ചെന്ന് വിധിയെഴുതിയ മേഘപ്പുലിയെ തയ്‌വാനിൽ കണ്ടെത്തി

1

1983കളിൽ ഇന്ത്യയിലും ചൈനയിലും ഭൂട്ടാനിലും ഹിമാലയൻ മേഖലകളിലും കണ്ടുവന്നിരുന്ന ലെപഡിന്‍റെ ഉപവിഭാഗമായ ക്ലൗഡഡ് ലെപഡ് അഥവാ മേഘപ്പുലിയെ നീണ്ട 20 വർഷങ്ങളോളം ഗവേഷകർ തിരഞ്ഞ് നടന്നിട്ടും കണ്ടെത്താനായില്ല. മേഘത്തിന് സമാനമായ അടയാളങ്ങള്‍ ശരീരത്തിലുള്ളതിനാലാണ് ഈ പുലിക്ക് മേഘപ്പുലി എന്ന പേര് ലഭിച്ചത്. 1983ലാണ് തയ്‌വാനിലെ കാടുകളില്‍ അവസാനമായി മേഘപ്പുലിയെ കണ്ടത്. തുടര്‍ന്ന് ഇവ അപ്രത്യക്ഷമായി. ഒടുവിൽ, 2013ൽ ഈ മേഘപുലി വംശനാശ ഭീഷണിയിൽ നശിച്ചു എന്ന് ഐയുസിഎന്‍ ഗവേഷകർ തയ്‌വാനിൽ പ്രഖ്യാപിച്ചു. എന്നാൽ, ഈ അടുത്ത കാലത്ത് തയ്‌വാനിലെ ഡാരെന്‍ മേഖലയില്‍ മേഘപ്പുലിയെ കണ്ടതായി ഏതാനും ഗ്രാമീണര്‍ റിപ്പോര്‍ട്ട് ചെയ്യുകയായിരുന്നു. രണ്ട് തവണ ഈ പുലിയ കണ്ടതായി പ്രാദേശിക വാര്‍ത്താ ഏജന്‍സി അന്ന് റിപ്പോര്‍ട്ട് ചെയ്തിരുന്നു. വൈകാതെ, ആടുകളെ വേട്ടയാടുന്ന ജീവിയെ തിരഞ്ഞുള്ള യാത്രയിൽ, ഇതേ മേഖലയിലെ ഫോറസ്റ്റ് റേഞ്ചര്‍മാരും മേഖപ്പുലിയെ കണ്ടെത്തി. ഇതറിഞ്ഞ്, സന്തോഷിക്കുകയാണ് ഇപ്പോള്‍ തയ്‌വാനിലെ ഗവേഷകരും ഐയുസിഎന്നും.